Ku simaha Wasiirka Warfaafinta ahna wasiirka ku xigeenka wasaaradda warfaafinta Xukuumadda Soomaaliya Mudane Cabdiraxmaan Iidaan Yoonis oo ay wehliyaan wasiirada warfaafinta dowlad goboleedyada iyo masuliyiin kale aya booqday xarunta wasaaradda Warfaafinta ee Puntland.
Waxaa ku soo dhaweeyay wasiirka Warfaafinta iyo isgaarsiinta ee Puntland Cabdi Xersi Qarjab iyo masuuliyinta wasaaaradda.
Sidookale Wafidga uu hogaaminayo ku simaha Wasiirka Warfaafinta Soomaaaliya Mudane Iidaan oo ku jiro Agaasimaha guud ee wasaaradda Cabdiraxmaan Yuusuf Cumar (Alcadaala) iyo Agaasimayaal ayaa booqday xarunta TV ga Puntland si ay ugu kuur galaan habka uu tvga u shaqeeyo iyo xafiisyadiisasa.
Shir Jaraa’id oo Wadajir ah ayay ku qabteen xarunta TV-ga Puntland ku simaha Wasiirka Warfaafinta ahna Wasiir ku xigeenka Mudane C/raxmaan Iidaan iyo Wasiirka Warfaafinta ee Puntland Cabdi Xersi Qarjab.
Ku simaha wasiirka Warfaafinta ayaa ugu mahad celiyaya Madaxda Wasaaradda Warfaafinta ee Puntland sida ay u soo dhaweeyeen waxaana uu bogadiyay howlaha warbaahinta Dowlad goboleedka Puntland.
Wasiirka Warfaafuinta iyo Isgaarsiinta Puntland cabdi Xersi Qarjab ayaa u Mahad celiyaya Wafdiga ka socda dowladda Federaalka iyo dowlad goboleedyada ee uu hogaaminayo ku simaha Wasiirka joogitaankooda Puntland iyo kormeerka ay maanta ku tageen xarunta Wasaaradda Warfaafinta Puntland iyo xarunta Warbaahinta.
