Inta la xaqiijiyay 5 ruux oo rayid ah, ayaa ku geeriyootay hoobiyeyaal maanta duhurnimadii lagu garaacay xaafado ka tirsan degmooyinka Warta nabadda ย iyo Howl wadaag ee magaalada Muqdisho, ku simaha guddoomiyaha gobolka Banaadir Maxamed Axmed Diiriye, oo booqday mid kamid ah goobaha ay ku dhaceen madaafiicdaa ayaa tacsi u direy ehelada dadkii ku waxyeeloobay.
Dadka dhintay ayaa waxaa ku jira carruur aad u da’ yar oo malcaamadii ay wax ka baranayeen uu ku soo dhacday madaafiicdaasi, iyadoo sidoo kale 6 ruux ay dhaawacyo ka soo gaareen weerarkan maanta.
Related posts
Ku simaha duqa Muqdisho, ayaa sidoo kale sheegay in heyโadaha ammaanka ka dalbaday in ay talaabo ka qaadaan kooxaha caadeystay in ay madaafiic ku weeraraan dadka Soomaaliyeed.
โHeyโadaha ammaanka ugu baaqayaย dadkaasi dhagar qabayaasha ah oo maalinta kasta u bartay in ay daadiyaan dhiga shacabka Soomaaliyeed in ay soo qabtaan,โ ayuu yiri Diiriye.
Guddoomiyaha, ayaa tilmaamay in ka maamul ahaan ay wadaan qorshe lagu xaqiijinayo amniga magaalada Muqdisho, isla markaana qorshahaasi laga bilaabay degmada Dharkenley kaas oo lagu baahin doono guud ahaan degmooyinka gobolka Banaadir.
Maxamed Axmed Diiriye, ku simaha duqa magaalada Muqdisho ayaa sidoo kale shacabka ku dhaqan degmooyinka gobolka Banaadir ka codsaday in ay soo sheegaan dadka falalka amni darada ka fulinaya magaalada Muqdisho.
