Ra’iisul wasaare ku-xigeen ahna kusimha Ra’iisul wasaaraha Soomaaliya ayaa sheegay in kheyraaadka loo baahanyahay in shacabka Soomaaliyeed ay ka faa’iideystaan, lana dhiiri geliyo kalluumeysata.
Mudane Maxamed Cumar Carte ku-simaha Ra’iisul wasaaraha Soomaaliya oo ka hadlayay munaasabad xil wareejin ah oo ka dhacday Wasaaradda Kalluumeysiga iyo Kheyraadka badda ayaa tilmaamay in badeena ay ka buuxaan kheyraad, kaasi oo loo baahanyahay in laga wada faa’iideysto.
“Wasaaradda Kallumeysiga waxa ay ka midtahay tiirarka lafdhabarka u ah dhaqaalaha dalka, marka waxaan rabaa in loo fahmo in Wasaaradda ay ahmiyad gaar ah ugu fadhido shacabka iyo dowladda, waana ay dhiirigelisaa kalluumeysatada Soomaaliyeed ee daneyneysa inay ka qeyb qaataan wax soo saarka kalluunka” ayuu yiri ku-simaha Ra’iisul wasaaraha.
