Kulan oo aqoon isweydaarsi ah oo ay soo agaasimeen ururrada Sosda Iyo Daryeel ayaaa maanta lagu qabtay magaalada Galkacyo iyado ay kulanka ay ka qeyb galeen ilaa 100 dhalinyara ah oo ka kala socday ururada dhalinyarada ee ka jira waqooyiga iyo koofurta magaalada Galkacyo ee xarunta gobalka Mudug.
Kulanka waxaa ka hadlay Dr. Cumar Maxamuud Rooble oo ku hadlay magaca ururka daryeel iyo Prof. Maxamaed Xaaji Ereg oo isna ku hadlay magaca ururka Sosda waxa ay sharaxaad kooban ka bixiyeen ujeedada kulanka
“Anigoo ku hadlaya magaca ururada Sosda iyo Daryeel hadaan ka hadlo ujeedka kulankaan waa mid qoon isweydaarsi ah oo ku saabsan sadax arimood kuwaasi oo kala ah maxaa ka dhaxeeya bulshada ku nool guud ahaan Galkacyo maxaa caqabad ah oo hortaagan in la helo nabad iyo isdhaxgal bulsho iyo maxaa looga gudbi karaa caqabadaha hortaagan in la helo nabada iyo isdhaxgalka bulshada magaalada Galkacyo” yuu yiri Cumar Maxamuud Roble Suuri
Sidoo kale kulanka waxaa ka hadlay Dr Xirsi Ceynab Maxamed oo ka mid ahaa Aqoonyahanadii ka qeyb galay kulanka waxaana uu ka hadlay arimo la xariira farqiga u dhaxeeya Qabyaalada iyo Qaranimad
Dr Xirsi Ceynab Maxamed ayaa yiri “Marka hore aan Qeexno Qabyaalad iyo Qaranimo hadii aan ku hormaro
qabyaalad waa dad yar ooh anti yar oo tabar yar oo dalyar Qaranimana waa Dad badan oo hanti badan oo xoog badan oo dalweyn marka waad ujeedaan farqiga u dhaxeeya waxaana laydinka rabaa inaad ka shaqeeysaan
qaranimada iyo horumarka Dalka.”
Qaar ka mid ah dhalinyaradii ka qeyb gashay kulanka ayaa ka hadlay sida ay u arkaan waxa keenay iyo caqabada hortaagan in la helo isdhaxgal bulsho iyo nabada Galkacyo kuwaasi oo sheegay in ay ugu horeeyso Aqoon la’aan iyo is aamin daro ka dhax jirta shacabka magaalada taasoo loo baahan yahay in si isku mid ah looga wadashaqeeyo in laga gudbo.
Sawi-qaade: C/risaaq Maxamed Axmed Galkacyo
