Kulankani wadatashiga ah ee ay so qaban qaabisay wasaaradda haweenka iyo xuquuqul insaanka xukuumadda soomaaliya islamarkaana ay ka so qeyb galeen wasiirka wasasradda haweenka xildhibaano qaar ka mid ururada bulshada iyo marti sharaf kale ayas u jeedkiisu ahaa qaabka ay haweenka uga qeyb qaadan karaan hanaanka siyaasadda doorashada ee 2016-ka ka dhici doonta dalka iyadoo ay wasaaraddu soo bandhigtay Afarta hanaan doorasho si ay haweenku uga doodaan.
Qaar ka mid ah ka qeyb galayaasha kulanka oo u badnaa haween ayaa ku booriyey ka dowlad ahaan iyo ka haween ahaa in si mideysan loogu doodo sidii haweenka Soomaliyeed ay u heli lahayen xaquuqda ay ku leeyhiin siyaasada dalka xili ay bilooyin kooban ka harsan yihiin xiliga kala guurka ee 2016-ka.
Xildhibaan Qaali Axmed Diiriye Gudoomiye ku xigeenka gabdhaha baarlamaanka ku jira ayaa ku boorisay haweenkii ka soo qeyb galay kulanka in ay ka wada shaqeeyaan midnimada una dhaqaaqaan horumarka dalkooda si ay kaalin muuqata uga galaan hanaanka doorashada wadanka.
Markuu kulankaasi soo idlaaday ayaa wasiirka wasaaradda haweenka iyo horumarinta xaquuqul aadanaha ee dowladda Soomaaliya Sahra Maxamed Cali Samatar waxa ay Warfid yeenada ugu warbixisay ahmiyada kulankani iyo Hadafka ay haweenka Soomaliyed ka leeyihiin siyaasadda dalka.
Wasaaradda haweenka iyo horumarinta xuquuqul insaanka xukuumadda soomaaliya o kaashaneysa ururuda bulshada rayidka ayaa maalmihi dambe gobolada dalka ka waday olole balaaran oo lagu wacyi galinayo haweenka soomaliyeed sidii ay u heli lahaayen xaquuquda ay ku leeyihiin siyaasada.
