Munaasabadda casho sharafta ah ee xalay Cadaado loogu sameeyay Wafdiga Ra’iisul wasaare Cumar Cabdirashiid ayaa ku saabsaneyd sidii loogu kala warqaadan lahaa xaaladaha ka jirta gobolka iyo habsami u socodka shirka Maamul u sameynta Gobollada Mudug iyo Galgaduud oo shalay galay wejiga labaad.
Munaasabadda waxaa ka qayb galay madax ka tirsan Labada Gole ee dowladda , Maamulada Galmudug, Ximan iyo Xeeb, maamulka gobolka Galgaduud, Gudiga Farsamada ee maamul u sameynta Gobollada Mudug iyo Galgaduud, Ergada la soo xulay, musharixiin iyo boqolaal dadwayne ah.
Wariyaha Warbaahinta Qaranka ee Cadaado Maxamuud Cabdi Diirshe ayaa ku soo waramay in dadkii ka hadlay kulanka casho sharafta ay xuseen in shirka uu iminka meel fiican marayo, ayna diyaar u yihiin sidii uu u noqon lahaa mid mira dhala, waxaana ay dowladda ku amaaneen sida ay uga go’antahay in shirka uu guul ku soo idlaado.
Sawir Qaade:- Diirshe
