Kulankan oo ay ka soo qeyb galeen wasiiro,xilibaano, safiirka dowlada Talyaaniga u fadhiya dalka Soomaaliya ,Wakiilka Ha’yada cunada iyo Beeraha ee Qaramada Mdidoobay ee FAO ee Soomaaliya, mas’uuliyiin ka socota Rugta ganacsatada Soomaaliyed iyo wakiilo ka kala socoda maamul goboleedyada dalka,ganacsato ka socotay wadamada caalamka qaar ayaa maanta lagu qabtay magaalada Muqdisho.
Ujeedka kulanka ayaa aheyd sidii loo horumarin lahaa ganacsiga Soomaaliya iyo noocyada kala duwan kheyraadka dabiiciga ah dalka sida loogu iib geyn lahaa suuqyada caalamka.
Hay’adda Cunada iyo Beeraha ee FAO iyo safaaradda Talyaaniga ee Soomaaliya ayaa si wadajir ah u soo qaban qaabnisayay kulanka.
Sidoo kale kulanka ayaa waxa uu gogal xaar u ahaay shir weyne looga hadlaayo dhaqaalaha caalamka kaas oo lafilaayo in kowda Bisha May ee sanadkan uu ka furmo magaalada Milaano ee dalka Talyaaniga.
Inta uu kulanka socday ayaa waxaa goobta lagu soo bandhigay sawiro ka turamaya noocyada kala duwan ee kheyraadka dalka Soomaaliya iyo sidii loogu qeyb qaadan lahaay horumarinta dhaqaalaha dalka Soomaaliya.
Agaasimaha guud ee Rugta Ganacsiga Soomaaliya Cabdi Abshir Dhoore oo la hadlay Warbaahinta Qaranka ayaa sheegay in shirkan uu ahmiyad weyn u leeyahay kor u qaadida dhaqaalaha Soomaaliya.
Wasiirka Ganacsiga iyo Warshadaha ee xukuumada Soomaaliya oo kulankasi ka qeybgalay ayaa goobta ka sheegay in loo baahan yahay in la horumariyo ganacsatada Soomaaliyed sidii dalka loogu soo jeedin lahaa indhaha maalgashi caalamiga ah.
Kulankan maanta lagu qabtay magaalada Muqdisho oo looga hadlaayay kor u qaadida ganacsiga Soomaaliya ayaa imaanaya iyadoo maalintii shalay magaalada Nairobi ee dalka Kenya uu ka furmay shir caalami ah oo looga hadlaayo maalgashiga Soomaaliya.
Sawir Qaade: Farxaan Saleebaan Daahir
