Kulan lagu dhiira galinayay kooxaha dhaqanka iyo sugaanta ee Banaadir Band iyo Iftin Band oo ay soo qaban qaabisay Wasaaradda Warfaafinta ayaa lagu qabtay gudaha Wasaaradda Warfaafiinta, ayadoo ay ka qaybgaleen Wasiirka wasaarada warfaafinta, Wasiir ku-xigeenka, agaasime Waaxeedyada Wasaaradda, ururka haweenka Qaranka iyo bahda dhaqanka iyo sugaanta ee kooxaha Banaadir Band iyo Iftin Band.
Wasiir ku-xigeenka Wasaaradda Warfaafinta, Dhaqanka iyo Dalxiiska Mudane Cabdullaahi Colaad Rooble ayaa sharaxay ujeedka kulankaan maanta ay layeesheen kooxaha dhaqanka .
“Ujeedka aan idinkugu yeernay sida maama Canab ay sheegtay markaan aragnay dhallinyaro Soomaaliyeed oo iskood isku abaabulay runtii wax fiican wadaninimo ka shaqeeynaya, iyagoon abwaanadii Soomaaliyeed ay wadanka kala carareen, ayagoon dhaqaalo heeysan, iyagoo waxbaranyeen jooga, iyagoo duruufo badan ay jiraan, iyagoo kulabisan dharkii dhaqanka Soomaaliya, waxaa nafarxad galiyay inaan idiin yeerno oon idin dhahno waa mahadsantihin oon idin dhiira galino Wasaraduna weey idin garab tagan tahay hadii kor leydin ka eegan jiray” ayuu yiri Wasiir ku-xigeenka Warfaafinta.
Dhalinta kasoctay kooxaha dhaqanka iyo sugaanta ee Banaadir Band iyo Iftin Band oo ka hadlay madasha ayaa wasaaradda uga mahad celiyay sida wanaagsan oo ay isku garabtaagtay, iyagoo sheegay in ay sii xoojin doonan sidii fanka iyo dhaqanka Soomaalida loo tayayn lahaa, iyagoo dhanka kale ugudbiyay Wasiirka iyo Wasiir ku-xigeenka talooyin ku aadan tayaynta dhaqanka.
Ugu dambeeyn Wasiirka Warfaafinta Maxamed Cabdi Xayir Mareeye oo gaba gabadii madasha ka hadlay ayaa sheegay in kooxahan latayayn doono oo loona qaban doono tartan dhaqameed ay kooxhani ku baratamaan.
“Waxaa weeye tartan adag aalaqaban doonaa, waqti kubeegan may be Ramadaan eey ku beegantahay lakiin een bacdul afur baan sameeyn doona, qoladii ku guuleeysata state house ka aa lagu marti qadaa Haweenka 1-da July, shahaadana waa lasiin waxaa weeye Madaxweynaha iyo Ra’iisul wasaaraha, Baarlamaanka aa jooga, qoladaas waxa ay awood u yeelan doontaa inay habeenkaas, Madaxtooyada ka tunto tartankana waxaa laqaban doona 26 June ama waqti kudhaw ayaa laqaban doona inta ka horeeydana kuligiin idin tuuri meeyno, tartanka waalaqabanayaa habeenkas ay halkaas katumee lakiin kooxaha kalana lagama tagi doono wacyigalintana weey idiin furantahay koxahaana waxaan isku dayi doonaa in aan kooxa kale ku lifaaqno.
Wasaarada Warfafinta, Dhaqanka iyo Dalxiiska ayaa wada qorshayaal iyo dadaallo ku aadan sidii loo horumarin lahaa dhaqanka iyo fanka Soomaaliyeed, islamarkaana barnaamijyo wacyi gelin ah ka waday gobolada Banaadir iyo shabeelooyinka.
Sawir Qaade:- Qadar Cali Nuur
