Kulankaan Qurโaan akhriska iyo Ducada isugu jiray ee loo niyeysanayey AUN dhammaan Wariyeyaashii Shuhaddada ahaa ee iyaga oo dalkooda u adeegaya geeriyooday ayaa galabta lagu qabtay xarunta Wasaaradda Warfaafinta, kaasi oo uu ka qeybgalay Agaasimaha Guud ee Wasaaradda Warfaafinta Xukuumadda Soomaaliya Mudane Cabdullaahi Xayir Ducaale, howlwadeennada Wasaaradda iyo Wariyeyaasha Warbaahinta Qaranka.
Dhammaan dadkii ka qeyb galay kulanka ayaa Suxufiyiintii Shahiiday Alle uga baryay in Jannadii Firdowsa uu ka waraabiyo, iyagoo iskula dardaarmay Alle ka cabsi iyo in mar waliba la badiyo ducada loo niyeysanayo Shuhadada ku baxay gacanta khawarijta waqti ay gudanayeen waajibka ka saarnaa difaaca Diintooda, dadkooda iyo dalkooda.
.
