Kulankaan oo socon doona mudo laba maalmood ah ayaa dahfurkiisa waxa ka soo qeyb galay Wasiir kuxigeenka caafimaadka Koonfur galbeed iyo wafdi uu hogaaminayo maamulka degmada Xuddur iyo xubno ka socday hay’addaha.
Inta uu socdo kulanka waxa warbixino laga dhagaysan doonaa wakiilada hay’addaha ka howgala magaalada Xuddur ee kulanka lagu casuumay ee ka shaqeeya arrimaha caafimaadka.
Kulan oo sedexdii bilood mar dhaca oo ay wasaaradda caafimaadka koonfur galbeed ku xaqiijiso waxqabadka hay’addaha iyo dib u dhacyada jira ayaa waxaa ugu horeyn faafaahin kabixiyay Cabduqaadir Maxamed Xasan oo ah madax faydhowrka wasaaradda caafimaadka koonfur galbeed isagoona sheegay in kulankaan uu yahay mid mudnaan ween leh maadaama la la xisaabtamo hay’addaha si loo ogaado wax qabadkoodii mudadii ay shaqeenayeen.
Guddoomiye kuxigeenka arrimaha bulshada degmada Xuddur Humow Mursal iyo Guddoomiye kuxigeenka Samafalka Gobolka Bakool Cumar Daa’uud khaliif ayaa bogaadiyey in hay’adaha waxqabad kooda soo bandhgay iyo shaqooynka wanaagsana oo ay ka qabteen Gobolka.
