Ka hor xafladda furitaanka shirka sanadlaha ah ee Bangiga Horumarinta Afrika (AfDB), oo markaan lagu qabanayo Magaalada Nairobi ee Dalka Kenya, ayaa Wasiirka Maaliyadda Xukumadda Federaalka Soomaaliya Mudane Biixi Imaan Cige, waxa uu maanta ka qeyb galay shir gaar ah oo ay isugu yimaadeen Wasiirada Maaliyadda iyo Madaxda Bangiyada Dowliga ah ee Dalalka Bariga Afrika, ku waas oo isku matalaad ka ah Bangiga Horumarinta Afrika.
Shirkaan horudhaca ah ayaa looga dooday arrimaha ugu muhiimsan ee horyaala dalalka gobolka Bari Afrika ee ay uga baahan yihiin dhanka Bangiga in uu ka la shaqeeyo. Sidoo kale waxaa ka mid ahaa qodobadaas in laga wada shaqeeyo sidii la isugu duba ridilahaa horumarinta iyo maalgalinta kheyraad badan oo Soomaaliya Alle ku manaystay.
Related posts
Natiijada ka soo baxda shirkan gaarka ah, waxa la hordhigi doonaa shirka guud ee loo dhan yahay kaas oo looga doodi doono fursadaha maalgalineed ee dal waliba uga baahan yahay Bangiga Hormarinta Africa.
Bangiga Horumarinta Afrika, waxa uu door muuqda ku lee yahay isbadalada Maaliyadda, Horumarinta dhaqaalaha Soomaaliya iyo Mashaariic guud oo uu ka fuliyo gudaha Soomaaliya, kuwaas ka socda Magaalada Muqdisho iyo Gobolada qaar ee Dalka.
