Waxgaradka, Aqoonyahno iyo Culimaa’udiin ayaa ka qeybgalay kulan lagu dhex dhexaadinaayo labo Beelood oo dhowaan diriri ku dhex martay deegaano ka tirsan degmada Xarar dheere ee gobolka Mudug, iyadoo kulankaasi geba gebadii laga soo saaray qodobo muhiim ah oo ay kamid tahay kulan kan la mid ah lagu qabto deegaanka Godin-Labde ee gobolka Galgaduud ee bartamaha Soomaaliya.
Mas’uuliyiintii kulankan ka qeybgashay ayaa ugu baaqay bulshada wada degta deegaanadaasi in ay si nabad ah ugu wada noolaadaan halkaasi, waxaana sidoo kale baaq nabadeed u direen bulshada ka soo jeeda deegaanka Guriceel ee isla gobolka Galgaduud.
Qaar ka mid ah odoyaashii ka qeyb galay shirka lagu dhex dhexaadinayo Beelaha Walaalaha ah ee wada degmada Xarardheere oo socday muddo bil ah ayaa waxa ay ka hadleen go’aanadii ka soo baxay kulankooda iyo waxyaabihii ay isku af garteen.
Ugu dambeynti Suldaan Maxamed Sheekh Axmed oo ka mid ahaa guddiggii dhex dhexaadinta aya sheegay in loo baahan yahay wada jir isla marksana ay is cafiyaan dhammaan dadka walaahala ah ee dhibaatadu kala gaaratay.
Kulanka kan xiga oo Beelahan Walaalaha ah lagu dhex dhexaadinaayo ayaa waxaa la iclaamiyay in uu maalmaha soo socoda lagu qaban doonaa deegaamka Godin-Labde ee gobolka Galgaduud.
