Kulankan lagu sagootinayay Haween ka kala yimid Gobolada Dalka, isla markaana ka qayb qaatay Xuska Maalinta Haweenka Adduunka ee 8-da Maarso oo Magaalada Caasimada ah si weyn looga xusay ayaa Maanta waxaa lagu qabtay Guriga Haweenka Ee Degmada Xamarweyne kulankaas oo ay qaban qaabiyay Ururka Haweenka Qaranka Soomaaliyeed.
Kulankaas ayaa waxaa ka qayb galay Gudoomiyaha Ururka Haweenka Qaranka Soomaaliyeed iyo Gudoomiyaha Ururka Haweenka Gobolka Banaadir iyo xubno kale qaar ka mid ah Haweenka Gobolada ka yimid Ee Sagootinta loo sameeyay ayaa amaanay Ururka Haweenka qaranka iyo Kan gobolka Banaadir waxaana ay muujiyeen sida ay haweenka soomaaliyeed uga Go.antahay Nabad ku soo dabaalida Dalka iyo in haweenku midoobaan.
Gudoomiyaha Ururka Haweenka Gobolka Banaadir Jawaahir Maxamud Baarqab ayaa ka hadashay Kulankaas sagootinta ah waxaana ay ugu baaqday Haweenka soomalaiyeed meeelwalba oo ay joogaan in ay ka qayb qaataan Nabadeynta Dalka iyo la shaqeynta hay.adaha amaanka
Gudoomiyaha Ururka Haweenka Qaranka soomaaliyeed Marwo Batuulo sheikh Axmed Gabale oo Gaba gabada Kulankaas ka hadashay ayaa waxaa ay sheegtay in Haweeenka Soomalaiyeed kuwa caasimada jooga iyo kuwa Gobolada intaba ay u taagan yihiin sidii Soomaaiya ay hormar iyo Nabad u heli lahayd isla markaana ay ka go.antahay in ay sii xoojiyaan.
