Munaasabadaan lagu soo dhaweenayay looguna Duceenayay Guddoomiyaha cusub ee Maamulka Gobolka Banaadir Ahna Duqa Magaalada Muqdisho Sheekh Yuusuf Xuseen Jimcaale (Madaale) ayaa lagu qabtay Deegaanka Gubadley, iyadoo ay kasoo qeybgaleen Madaxda Maamulka Gubadley, Odayaasha Dhaqanka, Culimada iyo qeybaha kala gedisan ee Bulshada.
Guddoomiyaha Deegaanka Gubadley Mudane Cabdullaahi Nuur iyo qaar ka mid ah Odayaasha Dhaqanka iyo Culimada oo Munaasabada ka hadlay ayaa u rajeeyay Guddoomiye Yuusuf Xuseen Jimcaale (Madaale) in uu mas’uuliyadda eebe u fududeeyo, iyagoo balan qaaday in ay kala shaqeyn doonaan horumarka Caasimadda Muqdisho.
