Kulan lagu Xasuusanayay Saraakiil ka tirsanaa Hay,adda saadaasha Hawada Soomaaliya kuwaasi oo iyaga oo shaqadooda ku guda jira 16 bishii Feberaayo lagu dilay Magaalada Muqdisho oo koox Hubeysan ay ku weerartay Isgooska KM4 Xili ay Marayeen Waxaana kulankaas ka qayb galay Wasiirka Wasaarada Gaadiidka iyo Duulista hawada Soomaaliya Iyo mas,uuliyiin kale.
Sareeye Guuto Maxamuud Sheikh cali Dable Beylood oo ka mid ahaa Saraakiisha Kulankii Galabta ka qayb gashay ayaa waxaa uu ka hadlay Taariikhda Ragii Cadawgu dilay Ee Aqoonyahanka ahaa oo isaga si aad ah isu garanayeen ayna soo wada shaqeeyeeen waxaana uu sheegay in 1967 dii ilaa hadda ay soo wada shaqeeyeen Mas,uuliyiinta Wasaaradda ayuuna kula dardaarmay in Ragaas cadawgu laayay aan la halmaamin oo ay noqdaan kuwo marwalba la xasuusto.
Prof Yaxye Sheikh Caamir oo ka mid ah aqoon yahanka Soomaaliyeed iyo Cabdi raxmaan Macalin Xasan ayaa waxaa ay sheegeen in afarta Mas,uul ee ka tirsanaa Hay,adda Saadaasha hawada Soomaaliya Xasuustooda ay Muhiimad Gaar ah u tahay Guud ahaan Umadda Soomaaliyeed Gaar ahaan wasaaradda ay ka tirsanaayeen waxaana ay ku baaqeen inTaalo loo dhiso lagu muujinayo in ay halyeeeyo geesiyaal ah ahaayeen.
Wasiirka wasaaradda Gaadiidka iyo Duulista Hawadda Xukuumadda Soomaaliya Mudane Cali Axmed Jaamac Jangali oo gabagabdii ka hadlay kulankaas ayaa waxaa uu sheegay in Muhiimadu tahay in loo duceeyo Marxuumiintaas in ilaahay uu u naxariisto Wasiirka ayaana waxaa uu sheegay in Wasaaradu ay ilgaar ah ku Eegi doonto Eheladii ay ka tagen Ragaas la dilay.
