Kulankan wada tashiga ah ayaa waxaa looga hadlaayay sidii cadaalad u heli lahaayeen carruurta iyo dhaqan gelinta xeerka ilaalinta xuquuqda carruurta Soomaaliyeed ayaa waxaa ka qeybgalay Xeer ilaaliyaha guud ee qaranka Dr Axmed Cali Daahir , shirci yaqaano iyo mas’uuliyiin kale oo dowladda Soomaaliya ka tirsan.
Xeer ilaaliyaha guud ee Qaranka Dr Axmed Cali Daahir oo kulanka ka hadlay ayaa waxaa uu sheegay in loo baahan yahay in laga fikiro sidii carruurta ay u heli laayeen cadaalad maadaama uusan hadda jirin sharci qeeya qaabka loo Maxkamadeyn karo carruurta Soomaaliyeed.
Dr Axmed Xeer ilaaliyaha Qaranka ayaa sidoo kale tilmaamay in Baarlamaanka Soomaaliya marka ay meel marinayaan shuruucda dalka ay lagama maarmaan ay tahay in ay wada tashi kala sameeyaan dadka aqoonta u leh sharciga la ansaxinaayo si sharcigaasi uu u noqodo mid wax badan ka dooli kara baahida loo sameeyay.
Bishii Janaayo ee sanadkan ayaa dowlada Soomaaliya kamid noqotay wadamada saxiixay Xeerka caalamiga ah ee carruurta
Sawir Qaade: Farxaan Saleebaan Daahir
