Guddoomiye Ku-xigeenka Arrimaha Bulshada iyo Wacyigelinta Gobolka Banaadir Mudane Cabdicasiis Cisman Maxamed, ayaa maanta Shir Guddoomiyey Shirka Guddoomiye Ku-xigeenada Arrimaha Bulshada ee 17ka Degmo iyo 3da Degaan ee Gobalka Banaadir kaa oo diirada lagu saarayay Arrimaha dardargelinta Nadaafada Caasimadda.
Shirkaan waxaa goobjoog ka ahaa Agaasimaha Guud ee Arrimaha Bulshada iyo Wacyigelinta Gobalka Banaadir Mudane Cabdullahi Adam Muuse, Agaasimaha Guud ee Nadaafada iyo Garyaqaanka Dowladda Hoose Xamar.
Shirka intiisa badan waxa uu daba socday wixii ka qabsoomay shirkaan midkii ka horeeyay ee dhacay 14kii Bishii lasoo dhaafay.
Guddoomiye Ku-xigeenka Arrimaha Bulshada iyo Wacyigelinta Gobalka Banadir Mudane Cabdicasiis Cismaan, ayaa Guddoomiyeyaasha ka dhageystay Warbixinta Nadaafada Degmada iyo sida ay ugu diyaar garoobeen Ololaha Nadaafada ee Khamiis laha ah ee Bil walba dhamaadkeedi in laqabto uu horay ugu dhawaaqay Guddoomiyaha Gobalak Banadir ahna Duqa Muqdisho Mudane Yusuf Xuseen Jimcale Madaale.
Ugu dambeen Shirka uu soo xiray Guddoomiye Cabdi Casiis waxa uu kula dardaarmay Guddoomiyeyaasha inay dardargeliyaan Nadaafada Caasimadda iyo la shaqeynta shirkadaha IFI oo Arrimaha Nadaafada ka shaqeeysa.
