Kulankani oo ahaa mid looga hadlayey dhiiri galinta waxbarashada iyo doorka Bulshadu ka qaadan karto ayaa lagu qabtay Magaalada Dhusamareb ee xarunta Gobolka Galgaduud waxaana ka soo qeybgalay aqoon-yahanada, macalimiinta iskuulada, ardayda, culuma udiinka, waxqarad iyo Bulshada qeybeheeda kale duwan.
Munaasabadda ayaa waxaa soo qabanqaabiyey Jaamacada Salaama University farceeda Gobolka Galgaduud gaar ahaan laanta ay ku leeyihiin Degmada Guri-ceel. Ugu horeynba waxaa madasha ka hadlay Prof: C/qaadir Ibraahim Maxamed oo ah isku xirka Gobolada ee Jaamacada Salaam waxa uuna ka warbixiyey u jeedada kulanka iyo hadafka laga leeyahay.
Munaasabada ayaa isna waxaa ka hadlay Sh Axmed Ibraahim Jibriil oo ka mid ah Culima’udiinka Deegaanka waxa uuna sheegay in dhalinta maanta looga baahan yahay inay wixii tagay dadka ka daba geeyaan gaar aahaan dhinaca aqoonta.
Ugu dambeyn waxaa goobta ka hadashay Xaliimo Axmed Cali oo ku hadleysay magaca ardayda wax ka barata iskuulada Dhuusamareb iyadoo tilmaantay ardaydu xiliga ay iskuulada ka qalinjabiyaan baahida ay jaamacad u qabaan loona baahan yahay jaamacad agabkeedu u dhamaystiran yahay.
Kulankani ayaa waxa uu noqanayaa kii ugu horeeyey oo heerkani ah islamarkaana looga hadlayo horumamarinta waxbarashada iyo doorka Bulshadu ku yeelan karto kaa oo lagu qabto xarunta Gobolka Galgaduud ee Dhuusamareb ka soo qeybgalayaasha ayaana codsaday kulamada noocaan ah in lagu baahiyo guud ahaanba Gobolka.
