Kulan looga hadlayay sidii ay u wada shaqeyn lahaayeen Maamulka iyo Shacabka Degmada Cabdicasiis oo ay ka qeybgaleen Mas’uuliyiin ka tirsan Dowladda ayaa lagu qabtay degmadaasi.
Munaasabadda ayaa waxaa ka soo qeyb galay maamulka degmada Cabdicasiis Guddoomiya ku xigeenka dhanka howlaha guud ee maamulka gobolka, Guddoomiyaha Ururka haweenka Gobolka Banaadir, odoyaal waxgarad, Aqoonyahanno, dhallin yaro iyo marti sharaf kale.
Guddoomiyaha ururka haweenka Gobolka Banaadir Jawaarir baarqab oo goobta ka hadashay ayaa sheegtay in muhiimadd gaar aah ay leedahay is dhexgalka bulshada.
Guddoomiha degmada Cabdicasiis Cismaan Muxidiin Cali Cariif ayaa ugu baaqay bulshada ku nool degmadaas inay ka shaqeeyaan nabadda, isagoo tartan u furay Afarta waaxood ee Degamada kuwaas oo ku tartamidoono Nadaafadda.
Guddoomiya ku xigeenka dhanka howlaha guud ee maamulka Gobolka Banaadir CabdiCasiis Cilmi Xalane ayaa sheegay in haddii lahelo bulsho mideysan ay ka dhigantahay in la helay nabad, wuxuuna ugu baaqay shacabka degmada in ay ka shaqeeyaan nabadda iyo Nadaafadda degmadaas.
