Maamulka gobolka Banaadir, gudoomiyayaasha degmooyinka, iyo laamaha amniga ayaa maanta shir aan caadi aheyn ku yeeshay xarunta dowladda hoose ee magaalada Muqdisho.
Ujeedada kulanka ayaa ahaa in dhamaan maamulka gobolka Banaadir ay ka tashadaan sidii Magaaladan ay Nabad u ahaan laheeyd iyo sidii loo soo celin lahaa Bilicdeeda iyo kala dambentii ay lahayn Jirtay.
Gudoomiyaha G/Banaadir Mudane Yuusuf Xuseen Jimcaale oo Kulanka Shir gudoomiyey ayaa hoosta ka Xariiqay in magalada Muqdhisho ay leedahay Madax dhalinyaro ah oo u taagan habeen iyo Maalin in ay Wax ka qabtaan kana shaqeeyaan Hormarkeeda.
Sidoo kale Taliyaha qeybta guud ee Booliska Jen. Cali Xirsi Bare “Cali Gaab” ayaa sheegay in wixi Maanta ka dambeeya ay la yeelan doonaan wadasheqeyn gaar ah Maamulka G/Banaadir Sidaas si la mid ah ayaa Taliyaha Nabad sugida Goboolka Banaadir Col. Cabdi Xakiin Farey ayaa sheegay in maamulka gobolka ay wada shaqeyn buuxda kala yeelan doonaan sugidda amniga.
Ugu dambeyntii gudoomiyaha gobolka Banaadir Mudane Yuusuf Xuseen Jimcaale ayaa wacad ku maray in aan Muqdsho Lagu arki karin qashin isagoo ku amray laamaha Amaanka gobolku iney kala shaqeeyaan sidii magaalo Nadiif ah loo Heli lahaa.
