Wasiirka Wasaaradda Amniga Dowlad Goboleedka Koonfur Galbeed Soomaaliya Xasan Cabduqaadir Maxamed iyo Taliyaha Booliska maamulka Koonfur Galbeed Gaashaanle Sare Cabdi Ibraahim Shaamow ayaa si-wadajir ah u shir gudoomiyay kulanka dar-dargelinta amniga Koofur Galbeed oo lagu qabtay magaalada Baydhabo.
Waxaa shirka ka qeyb galey saraakiisha Gobolka Baay iyo Guddoomiyaha Maxkamada Ciidamada Qalabka Sida ee Qeybta 60-aad iyo Taliyaha Qeybta Guud ee Gobolka Baay kan Dagmada Baydhabo iyo hogaanka Baarista ee CID iyo Taliyasha Rugaha Booliska Baydhabo
Intii uu kulankan socday waxaa looga hadlay dardar galinta Wajiga 2-aad ee dagaalka ka dhanka ah Khawaarijta ee deegaanada Koofur Galbeed iyo in Ciidamada Booliska ay ka qeyb qaataan dagaalka khawaarijta looga xoreynayo Gobollada Baay, Bakool iyo Shabeelaha Hoose, waxaana, iyadooTaliyaha Booliska Koonfur Galbeed uu faray saraakiisha iyo askarta in ay heegan buuxda galaan.
