kulankaan oo ay soo qaban qaabisay wasaaradda haweenka Maamulka Puntland ayaa waxaa lagu qabtay Xarunta Wasaaradaas waxaana ka qayb galay mas,uuliyiin ka tirsan maamulka iyo Ururada u dooda Xaquuqda Caruurta iyo daweyne kale kulankas diirada waxaa lagu saaray sidii wax loogu qaban lahaa caruurta darbi jiifka ah iyo kuwa kale ee iyaguna an haysan daryeelka ee ku nool degaanada maamulka Puntland.
Agasimaha waaxda daryeelka caruurta wasaaradda haweenka Puntland Aamina Maxamed oo ka hadashay kulnakaan lagu soo gabagabeeyay Garoowe ayaa waxaa ay si fah faahsan uga hadashay qorshaha wasaarada uga dagsan Caruurta danyarta ah waxaana ay sheegtay in kulankaan ay iska kaashadeen Wasaaradda iyo Hay.adda Caruurta Jamciyadda Qaruumaha ka dhexeysa u qaabilsan ee UNICEF .
“Kulankaan waxaan isla kaashanay hay’adda UNICEF waxaan uga hadleynay sidii loo daji lahaa siyaasad caruurta da’yarta ah ee ku dhibaateysan Deganada Puntland waxaan la kulanay caruurta qudhooda inagoo weydiinay sida ay tahay in ay uga qayb qaataan dajinta siyaasadaas waxaa ilaah mahadiis ah in ay caruurtu naga ogoladeen saxiixeena fulinta howshaas”ayay tiri agaasimaha.
Mas,uul ka socday Hay.adda UNICEF oo lagu magacaabo Maxamuud Cali Yuusuf oo isna ka hadlay xiritaanka Kulankaas ayaa waxaa uu sheegay in ay muhiim tahay in Caruurta Soomaaliyeed ay Daryeel helaan isla markaana ay qayb muhiim ah ka qaadanayaan ka UNICEF ahaan sidii Caruurta loo garab istaagi lahaa.
