Kulankan looga hadlayay dhibaatooyinka Tahriibka uu leeyahay iyo sida dhalinyarada loo wacye gelinkaro ayaa waxaa ka qeyb galay mas’uuliyiin ka socotay qaar ka mid ah Wasaaradaha Dalka,Ururka Haweenka Qaranka,Ururka Dhalinyarada Gobolka Banaadir ,Arday ka socotay Dugisyada Sare iyo qaar ka mid ah Jaamacadaha Magaaladda Muqdisho. Kulanka oo uu soo qaban qaabiyay urur magaciisa la yiraahdo SOHVOT oo ka shaqeeya Arimaha Bani,aadanimada ayaa waxaa ugu horeyn ka hadlay Gudoomiyaha Ururkan Salaad Xasan Maxamed oo ka hadlay waxa Kulanka uu ku saabsanyahay.
‘’Maanta Barnaamijkan aan idin qaban doono waxaa uu ku saabsanyahay Arimaha Tahriibka iyo dhibka uu leeyahay ,inkastoo Dhalinyarada Soomaaliyeed ay aamini la’yihiin in ay Dalkooda ku noolaadaan sidaas daraadeed Barnaamijkan Ahmiyad gaar ah ayuu leeyahay’’
C/llahi Shariif Axmed oo ah Gudoomiyaha Golaha Sare ayaa sheegay in Tahriibka saameeyn weyn uu nolosha Dhalinyrada ku leeyahay loona baahanyahay in laga hortago.
‘’Runtii aragti ahaan wey jirtaa waana culeys waxaana ka mid ahay dhaliyarada Soomaaliyeed runtii aad ayaad uga xumaaneysaa amaba waad qiirooneysaa marka aad aragto dhalinyaro soomaaliyeed o badaha ku dhimaneysa ama meydadkooda xeebaha lagu soo daadinayo marka waxa dadkaas ku qasbaayo in ay tahriibaan waa dhibaato jirta’’
Gudoomiyaha Ururja Haweenka Qaranka Soomaaliyeed Batuulo Sheekh Axmed
Gaballe ayaa u sheegtay Dhalinyarada Soomaaliyeed in ay ku fikiraan in
Dalku ay iyagu leeyihiin,
‘’Waxaa loo baahanyahay inaad ku fikirtiin in Dalkan uu yahay Dalka Aduunka ugu nimcada badan hadii dib loo fiiriyo oo la xisaabtamo mudo aan badneyd la xisaabtamo oo aan iska dhaafno tahriibka oo aan u soo jeesano Dalka qofkasta oo Soomaali ah daqligiisa waxaa uu noqonayaa hal milyan oo doolar qof kastoo soomaali ah waa loo shaqeynaayaa ,qof kastoo soomaali ah waa la ixtiraamaayaa ,kaarbad cas ayaa loo fidinaayaa qof kastoo Soomaali ah horumarkaas dhaqaale ayuu u baahanyahay dhaqaalihii yaa heeysto ? Anagaa heysano yaa dhaxalkeeda iska leh idinkaa iska leh.
Wasiir ku Xigeenka Wasaarada Dhaliyarada iyo Ciyaaraha ee Xukuumadda
Federaalka Soomaaliya Mudane Cusmaan Maxamuud Dhuubow ayaa ku
baraarujiyay Dhalinyarada Soomaaliyeed meel walba oo ay joogaan in ay
u istaagaan horumarka dalkooda.
‘’Waxaan idinku baraarujinayaa in meeshaan lagu ba’ay oo keentay oo keentay inaad carartaan waa Cadaalad darro ,Cadaalada in loo istaago oo isbedelka laga qeyb qaato idinka laftigiina aad qeyb ka noqotaan Siyaasadda mustaqbalka wadanka ayaa loo baahanyahay si aysan u noqon in wadankiina aad ka tagtaan m,inta badan waxa aad dalkiina aad uga carareysaan waa dhibaato taagan ,aniga hada waxaan wasaaradaha ka mid noqday sanadkii igu horeysay ,waan dareemayaa dhalinyarada badan oo aqoon leh ay shaqo la’yihiin ,kuwo waxaa jira aan waxba soo baran oo qaababka kala duwan shaqada lagu geeyay taasi waxa ay keeneysaa in wiilka dhalinyarada ah oo haydiiisa iyadoo yaanyada gadeysa ay soo korisay waxna ay soo bartay uu badda galo isagoo aan cidna taageeero ka heleynin taasi waxa ay na tusineysaa in kan bada ku dhimanaayo uu isaga yahay’’ayuu yiri wasiir ku xigeenka.
Barnaamijyada ka hortaga dhibaatada Tahriibka uu leeyahay iyo ka wacye gelinta dhaliyarada soomaaliyeed ayaa mudooykanba waxa ay ka socdaan Magaaladda Muqdisho ,waxaana ka qeyb qaadanaya ururada ka shaqeeya
arimaha badi,aadanimada.
