Kulankan oo looga hadlayay horumarinta kalluumeysatada Soomaaliyeed iyo sidii shaqo abuur loogu sameyn lahaa dhallinyarada ayuu Wasiirka Kalluumeysiga iyo Kheyraadka badda oo uu wehliyo Wasiir ku-xigeenka Wasaaradaasi waxa ay la yeesheen masβuuliyiin ka socotay hayβadda USAID ee gar gaarka u qaabilsan dalka Mareykanka.
Kulanka ayaa sidoo kale looga hadlay sidii Wasaaradda Kalluumeysiga gacan looga siin lahaa horumarinta qalabka lagu kalluumeysto, taasi oo kalluumeysatada u fududeyn doonto inay ka faaβiideystaan kheyraadka ku jira badeena.
Related posts
Mudane Maxamed Cumar Ceymooy Wasiirka Kalluumeysiga iyo Kheyraadka Badda oo markii uu kulanka soo idlaaday kadib lahaday Warbaahinta Qaranka ayaa sheegay in wafdiga ka socday hayβadda USAID ay isla meel dhigeen sidii ay maalgeshi ugu sameysan lahaayeen dhinac kheyraadka dalka, taasi oo dhiiri gelin iyo shaqo abuur u ah kalluumeysata dalka.
βiyagoo ujeedkooda uu yahay iney nagala hadlaan arrimaha kalluumeysiga waxa ay nagu dhaheen waxaa idiin ka caawimeynaa horumarinta khallumeysiga, waan soo dhaweyneynaa maadam ay lee yihiim waxaan wax idiin ka tageerenaa arrimaha khallumeysiga, waana markii ugu horeysay ee aan la kulanno masβuuliyiin daneynaya horumarinta kalluumeysiga dalkaβ ayuu yiri Wasiirka.
Wasiirka oo hadalkiisa sii wata ayaa sheegay in masβuuliyiinta ka socotay hayβadda USAID ay u balan qaadeen inay maalgeshi ku sameysan doonaan dalka, isla markaana ay u yimaadeen sidii ay u qiimeyn lahaayeen meelaha ku haboon maalgeshigaβ¦
Dhawaan ayay ahayd markii baarlamaanka Federaalka ah ee Soomaaliya uu meel mariyay sharciga maalgeshiga dalka, taasi oo suurta gelisay in ay isa soo taraan dalalka daneynaya inay maalgeshi ku sameystaan Soomaaliya.
