Kulankan ay soo qaban qaabiyeen guddiga Sanduuqa Horumarin Degmada Gaalkacyo oo diiradda lagu saaray ka qeyb qaadashada Bulshada ee dhismaha Seddex waddo oo laami ah oo dhawaan laga hirgelin doono Degmada Gaalkacyo kuwaas oo qeyb ka ah Mashruuca Talowadaag.ayaa lagu qabtay Magaalada Gaalkacyo
Seddexda Waddo ee Dhismahooda lagu wado in laga hirgelin doono ayaa kala ah Dhameystirka Waddada Astaan Golol ee Bile Rafle , Dhismaha Waddada Cabdullaahi Ciiise iyo Dhameystirka Waddada Astaan Hobyo , waxaana bulshada loogu baaqay in ay kaalintooda ka qaataan qaaraanka doorka bulshada ee dhismaha Wadooyinka kuna shubaan Santuuqa Horumarinta Degmada Gaalkacyo.
Duqa Degmada Gaalkacyo Mudane Cabdiraxmaan Sheekh Xasan ayaa kulanka ka sheegay in la banayn doono wixii dhisme sharci darro ah ee ku hor gudban Waddooyinka laamiga la saarayo sida hangarada , wuxuuna bulshada ugu baaqay in ay doorkooda ka qaataan dhismaha Waddooyinkaan gaar ahaan Mulkiilayaasha guryaha birimada ah ee waddada saaran iyo kuwa suguntada ah ee ku xiga si loo helo jidad qurxoon oo bilicda iyo isku socodka Magaalada qeyb weyn ka qaata.
