Kulankan oo uu soo qaban qaabiyey Axmed Al-Hendaawi ergayga gaarka ah ee xoghayaha Qaramada Midoobay u qaabisan arrimaha dhallinyarada ayaa waxaa kasoo qayb galay Wasiirka Wasaaradda dhallinyarada iyo cayaaraha ee Xukuumadda Federaalka ah ee Soomaaliya iyo Wasiirada dhallinyarada ee maamulada Puntland Jubbaland iyo Koonfur Galbeed.
Waxaa sidoo kale kulankan goob joog ka ahaa xubno matalayey hayโadaha Qaramada Midoobay iyo Ururrada dhallinyarada rayidka ah, waxaana la iskula soo qaaday sidii la isula meel dhigi lahaa ajandayaal lagu horumarinayo dhallinyarada, waxaana fikradahooda la dhagaystay dhamaanba Wasiiradii ka qayb galay kulanka, iyadoo ugu dambayntiina uu khudbad dheer halkaasi kaso jeediyey ergayga gaarka ee xoghayaha qaramada midoobay u qaabilsan arrimaha dhalinyarada.
Related posts
Markii uu soo idlaaday kulankan ayaa warbaahinta uga warbixiyey Wasiirka Wasaaradda dhallinyarada iyo Isboortiga Mudane Maxamed Cabdullaahi Xasan ( Nuux ) waxana uu sheegay in Soomaaliya ay shirkan la tagtay siyaasad cad oo ku wajahan sida loogu jiheyn lahaa dhallinyarada Soomaaliyeed dhanka horumarka, isla markaana loogu abuuri lahaa fursado shaqo.
Kulankan ayaa daba socda kulamo dhawr ah oo lagaga arinsanayey horumarinta dhallinyarada Soomaaliyeed oo ay horay u yeesheen intabadan dhinacyada kasoo qayb galay, kuwaasi oo lagu qabtay gudaha dalka Soomaaliya.
Sawir qaade:-C/raxmaan Cumar Cabdi(Somali)
