Kulan lagu soo dhoweeyaynayay Wasiirka Wasaaradda haweenka iyo horumarinta xuquuqul insaanka Soomaaliya Xaniifa Maxamed Ibraahim isla markaana looga hadlayay xaqiijinta qoondada haweenka 30% ayaa maanta lagu qabtay Muqdisho.
Kulanka waxaa ka qeybgalay, Wasiir ku xigeenka Wasaaradda haweenka Xiis Xasan Aadan, Xildhibaanno ka tirsan labada aqal ee baarlamaanka, agaasimaha guud ee Wasaaradda Mudane Isaaq Xaashi Jimcaale, ururka haweenka gobolka Banaadir, ururrada bulshada rayidka iyo haweenka madaxa banaan ee u ololeeya xuquuqda haweenka.
Xaniifa Maxamed Ibraahim oo madasha ka hadashay ayaa sheegtay in qoondada haweenka 30% ay tahay mid lama taabtaan ah, ay na ka codsanayaan odayaasha dhaqanka in arrinkaas ay xoojiyaan.
