Guddoomiye ku-xigeenka Arrimaha Bulshada iyo Wacyi galinta Maamulka Gobolka Banaadir Marwo Basma Caamir Axmed (Jaketti) ayaa shir-gudoomisay kulan loogu hadlaayay dar-dargelinta bilicda magaalada Muqdisho.
Kulankaan oo uu goobjoog ka ahaa xoghayaha Guud ee Maamulka Gobolka Banaadir Mudane Xiirey Axmed Rooble ayaa waxaa ka soo qeyb galay Guddoomiyeyasha Degmooyinka Gobolka Banaadir, Agaasimeyaasha Guud ee Nadaafada, Howlaha Guud iyo Mas’uuliyiinta shirkadaha ka shaqeeya howlaha Nadaafada.
Shirka oo diiradda lagu saaray sidii caasimadda Muqdisho bilicdeeda looga shaqeyn lahaa, isla markaana la iskula xisaabtami lahaa ayaa waxaa la isla qaatay in lasii dardargeliyo ka shaqeynta Howlaha Nadaafada Caasimadda iyo soocelinta Bilicdeeda si loo helo belad Nadiif ah iyo Bulsho Nabad ah.
