Kulankan lagu taageerayay sidii loo xaqiijin lahaa Qoondada haweenka ee ka qeybgalka siyaasada Soomaaliya ayna ka qeybgaleen Mas’uuliyiin ka tirsan Dowlada Federaalka, kuwa Dowlad-goboleedka Jubbaland, haween iyo odayaasha dhaqanka ayaa Maanta lagu qabtay Magaalada Kismaayo ee Gobolka Jubbada Hoose.
Suldaan Shale Bulxan iyo Ugaas Jaamac Xasan ibraahim ayaa sheegay in xuquuqda haweenka ay ka gaashaanteen odayaasha dhaqanka, iyagoo xusay inay meel iska dhigeen qoondadooda.
Haweenkii ka hadlay goobtaasi ayaa ku ammaanay Jubbaland doorka ay ka qaateen xaqiijinta kuraasta Baarlamaanka Soomaaliya ee ka qeybgalka siyaasadda sanadkan.
Wasiiru-dowlaha arrimaha Gudaha Dowlada federaalka Soomaaliyeed Cabdrashiid Maxamuud Xidig iyo Madaxweyne ku xigeeenkii hore ee jubbaland Xildhibaan Cabdullaahi sheekh ismaaciil fartaag oo goobtaasi ka hadlay ayaa balanqaaday in Jubbaland qoondada haweenka ay meel ka taalo wayna caddahay kootada haweenka.
Sidoo kale waxaa goobtaasi ka hadlay Batuulo Sheekh Axmed Gaballe oo ah Gudoomiyaha Ururka Haweenka Qaranka Soomaaliyeed, waxaana ay ku baaqday in koontada haweenka aysan noqon mid gasha gorgortan.
