Kulankani oo ujeedkeedkiisu ahaa xoojinta isdhexgalka dhinaca dhaqanka iyo nabada iyo sidii dhalinyarada Soomaaliyeed ay uga qeyb qaadan lahaayeen la dagaalanka xagjirnimada ayaa waxaa ka qeyb galay xildhibaanka laga soo doortay degmada kama kunji ee xaafada Islii magaalada Nairobi iyo kan deegaanka wajeer ee gobolka waqooyi bari ee Kenya , xubno ka socday hay,adaha ammaanka, dhalinyaro aad u farabadan iyo marti sharaf kale.
Kulanka oo ay soo qaban qaabisay xarunta bulshada ee kobciye oo ka dhisan magaalada Nairobi waxaana lagu soo bandhigay ciyaaraha hidaha iyo dhaqanka umada soomaaliyeed, iyadoo sidoo kale qaar ka mid ah qowmiyadaha kale ee dalka kenya ay ku soo bandhigeen hidaha iyo dhaqanka ay leeyihiin.
Cabdi Nuur Sh Cumar oo ka mid ah maamulka xarunta bulshada ee kobciye ayaa waxa uu bilowgii munasabada ka warbixiyay ujeedka ay usoo qaban qaabiyeen Munasabada.
Xildhibaan Yuusuf Xasan oo gaba gabadii Khudbad dar daaran ah u jeediyay dhalinyarada Soomaaliyeed ayaa waxa uu ugu baaqay waalidiinta
Soomaaliyeed inay ka soo saaraan UGUS caruurtooda.
