Isku soo bax loogu ducaynayay Shacabkii ku shihiiday Isgooska Soobe 29-October 2022 oo Lagu qabtay isla goobtii uu weerarku ka dhacay sanad ka hor maanta oo kale.
Munaasabaddaan oo sidoo kale lagu muujinayay sida aysan bahda Waxbarashada u niyad-jabineynin beegsiga Khawaarijta dooneysay bulsho aan waxba baran oo ay dulleystaan ayay si weyn kaga soo qeyb galeen qeybaha kala duwan ee bulshada caasimadda.
Wasiiradda Cafimaadka,Waxbarashada,Arrimaha gudaha, Guddoomiyaha Hay’adda Maareynta Musiiboyinka Qaranka, Guddoomiye ku xigeenka Gobolka Banaadir ee dhanka Maaliyadda, iyo Mas’uuliyiin kale oo kala duwan.
Cabdiladiif Badawi madaxa kacdoonka Guul Ama Geeri ” Khawaarijta waa nagu dhex noolyihiin, hadaanan iska qaban waana dilayaan, iyagana waa is dilayaan oo nafteena iyo tooda waa ku cadow.”
Agaasimaha guud ee Wasaaradda Waxbarashada XFS ” Khawaarijta Waxbarasho nooma diidi karaan, waana jabeen israacis ayaay u baahan yihiin.”
Kusimaha Guddoomiyaha Gobolka Banaadir ahna guddoomiye ku-xigeenka maamulka iyo maaliyadda Gobolka Banaadir Mudane Ciise Maxamud Guure ” Qaraxa Soobbe 2 waa ka duwan yahay qaraxyadii kale u jeedkooduna waxow ahaa inay dumiyaan Waxbarashada dalka,Alxm taas uma suuragalin oo way ku guul dareesteen khawaarijta”.
Kummanaan shacab ah ayaa iskugu soo baxay isgooska Soobe si ay ugu duceeyaan shuhadadii Soobe 2aad oo maanta ku aadaneed,ayadda oo ay tahay Muqdisho maanta maalin roobaad ayayna isku soo baxa ducada ah ku dhacay jawi nabadeed.
