Kulan lagu xusuusanayay islamarkaana loogu duceynayay Allaha u naxariistee Wariye Axmed Xasan Cowke oo bishii hore ku geeriyooday Magaalada Jigjiga ee xarunta maamulka Soomaalida Etoobiya ayaa maanta lagu qabtay Muqdisho, iyadoo kulankaasi ay soo qaban qaabiyeen Suxufiyiinta magaalada Muqdisho.
Kulanka ayaa waxaa ka qeyb galay Madax ka tirsan Dowladda Federaalka Soomaaliya oo uu ka mid yahay Wasiirka Wasaaradda Warfaafinta,Suxuufiyiin,Abwaano iyo marti Sharaf kale.
Kulanka Dadkii ka hadalay ka jeediyay ayaa u duceeyay Allaha U naxariistee Axmed Xaasn Cowke, Waxaana Abwaan Cusmaan C/laahi Cusmaan Guure oo ah Agaasimaha Radio Kulmiye ayaa halkaasi ka tiriyay tix gabay oo uu ugu duceynayay Allaha u naxariistee marxuumka.
Wasiirka Wasaaradda Warfaafinta dhaqanka iyo dalxiiska Xuukuumadda Federaalka Soomaaliya mudane Maxamed Cabdi Xayir Maareeye ayaa sheegay in Wasaaraddu ay sameyn doonto Machad lagu qoro Magaca Wariye Cawke si loogu Xasuusto Taariikhda Wariyahasi ama mid kamid ah Istuudiyaasha Radio Muqdisho loogu Magac dari doono Allah ha u naxariistee Wariye Axmed Xaasn Cawke.
