Shirkan loogu magac daray walaaleynta Jaaliyadda Soomaaliyeed ee K/Afrika oo ay soo qaban qaabisay Hay”adda Culumada Al Bayaan ayaa lagu qabtay magaalada JohannEsburg waxaana kasoo qeybgalay qeybaha kala duwan ee bulshada oo ay ka mid yihiin Culumo Soomaaliyeed oo ka timid Dalalka mareykanka Ingriiska iyo waliba kenya isla markaana uu ka mid yahay Sh Maxamed Idris iyo qaar ka mid ah Odayaasha,Waxgarad iyo ganacsatada Soomalida ee ku nool xaafada Mayfair oo ay Soomaalida ku badan tahay.
Shirkaan ayaa waxaaa daah furay Gudoomiyaha Guddiga fulinta Majliska Al Bayaan Sheikh Maxamuud Adar waxa uu mahadcelin u jeediyay Culumada iyo dhamaan intii kasoo qeybgashay kulanka ,waxa uu sheegay in kulanka lagu faaqadiyo sidii Jaaliyadda dhexdeedalooga heli lahaa midnimo yo wadajir buuxa iyo iskaashi dhinac walba leh oo dhax mara bulshada Soomaaliyeed ee ku nool dalkaan South Africa
Sheikh Maxamed Idris iyo Culumadii kale ee martida ku ahaa kulanka ayaa ku amaanay Jaaliyadda Soomaaliyeed ee K/Afrika inay ka mid yihiin Jaaliyada Soomaalida ee Qurbaha ku nool kuwooda isku xerka iyo dhanka isku duubnida ay ku weyn tahay waxaana ay ku booriyeen in ay sii xoojiyaan iskaashiga iyo midmada ay heystaan hada kana shaqeeyaan sidii ay ku badbaadin lahaayeen ganacsiga ay halkaan ku heystaan,waxaa kale oo ugu baaqeen in ay safiiro u noqdaan dalkooda iyo diintooda.
” Waxaan ku qanacsanahay inay dadka Soomaaliyeed yihiin dad danahahooda u midoobaan inay wax qaban karaaan oo nuxur leh laakin waxaa loo baahanayahay dad ku hogaamiya wanaaga” ayuu yiri sheikha.
Dhanka kale waxaa jiray su’aalo ay dad weynahu weydiinayeen Culumada kuwaas oo u badnaa sida lagu heli karo cadaalad iyo isku duubni.
Ugu dambeyntii waxaa kulankaas soo afmeeray Sheikh Cali Ibrahiim ( Cali Towxiid) oo ku hadlayay Guddiga hey’ada culimada Al Bayaan ayaa ka sheekeeyay waxyaabaha u qabsoomay Al Bayaan,waxa uuna ku dheeraaday waxbqabadka Markazka.
Waa kulankii u horeeyay oo noociisa ah oo ay hey’ada culimada Soomaalida al bayaan isugu keento culimada Martida ku ahaa dalkaan koofur africa iyo waxgaradka Soomaalida isla markaana looga arinsado xal u helida dhibaatooyinka bulshada dhaxdeeda ka taagan gaar ahaan soomaalida ku nool dalkana koofur africa.
C/laahi Qorshe
Johannesburg South Africa.
