Kulankan oo looga hadlayey horumarin dalagyada iyo beeraha iyo iibgeyntooda ayaa waxaa ka qeybgaley agaasimaha guud ee wasaaradda beeraha KGS hawl wadeeno ka socda qeybaha kala duwan ee iskaashatadda beeraleyda gobolka Baay , aqoonyahano ka socday jaamacadaha , iyo khubaro ku takhsusay wax soosaarka dalagyada kala duwan.
Kulankan oo ay soo qaban qaabisey hay’adda GEL ayaa intii uu socday waxaa looga hadley iibgeynta iyo horumarinta dalagyada ay soo saaraan beeraleyda iyo sidoo kale wadashaqeynta iskaashatadda beeraleyda .
Related posts
Agaasimaha guud ee wasaaradda beeraha KGS Abdulaahi Siidow oo si rasmi ah u furey kulanka ayaa ka hadlay muhiimada ay leedahay isku xirnaanta , wadashaqeynta , iibgeynta iyo horumarinta wax soosaarka beeraleyda koonfur galbeed.
Ugu dambeyntii iskaashatadii kulankan kaqeybgaley ayaa goobta kusoo bandhigey qeyb kamid ah dalagyada iyo wax soosaarkooda , tani ayaana qeyb ka ah dhiiragalinta iskaashatadda beeraleyda KGS iyo sidii suuqgeyn loogu sameyn lahaa dalaga ay soosaaraan.
