Kullan looga hadlayay soo bandhigida Xogta Dowladda iyo sidii la isugu xiri lahaa oo lagu qabtay Muqdisho+Sawirro

Kulan Wasaaraddeedkaan sare oo ah barnaamij isku xira hey’adaha dowladda, gaar ahaan Wasaaradaha oo qeyb ka ah daah-furnaanta dowladda waxaa soo qaban-qaabisay wasaaradda Warfaafinta, Dhaqanka iyo Dalxiiska Soomaaliya.

Kulan wasaaraddeedkaan waxaa ka soo qeyb-galay agaasimeyaal ka kala socday Wasaaradaha Xukuumadda iyo saraakiil kale oo iyaguna ka tirsan hey’adaha kale ee dowladda.

Related posts

Madaxa Gudiga Saaxiibtinimada Baarlamaanada Somaaliya iyo Türkiye Xildhibaan Sadiq Cumar iyo wafdi u hogaaminaayo oo ka socda Baaarlamaanka JFS ayaa maanta kulan kula yeeshay magaalada Ankara Wasiirka Tamarta ee Dowlada Türkiye Mudane Alparslan Bayraktar. Gudiga ayaa Wasiirka ka dhagaystay habsami u socodka mashruuca shidaal soo saarida ee dhawaan ka bilowday wadanka. Shirkan ayaa waxaa goobjoog ka ahaa Danjiraha JFS u fadhiya Wadanka Türkiye Mudane Fatxudiin Cali Ospite iyo Madaxa gudiga Saaxiibtinamada Baarlamaanka Turkiga Mudane Abdirahim Firat. Xubnaha Baaarlamaanka Soomaaliya ku matala gudiga saaxiibtinamada Soomaliya iyo Türkiye ee shirkan kasoo qayb galay ayaa kala ah: 1- Mudane Sadiq Cumar Xassan 2- Mudane Cabdiqadir Cumar Macalin 3- Mudane Caydaruus Saalax Yusuf 4- Mudane Cabdilatif Muuse Nuur 5- Marwo Rooda Carab Shariif 6- Mudane Abdirahman Axmed Cismaan 7- Mudane Xussein Maxamed Daahir 8- Mudane Cabdikarin Cumar Xussen 9- Mudane Cali Sheekh Maxamed Nuur

November 25, 2024

Shiinaha oo Soomaaliya ka taageeraya tacliinta sare

November 25, 2024

Waxaa la is weydaarsaday xogta dowladda iyo in ay muhiim tahay sidii la isugu xiri lahaa xarunta Daah-furtaan iyo hey’adaha ay quseyso, si loo keydiyo macluumaadka iyo xogta dowladda kaddib la isu dhaafsado.

Agaasimaha Guud ee Wasaaradda Warfaafinta, Dhaqanka iyo Dalxiiska Xukuumadda Federaalka Soomaaliya Cabdiraxmaan Yuusuf Al-cadaala ayaa sharraxaad dheeri ah ka bixiyey ahmiyadda uu dowladda iyo bulshada u leeyahay barnaamijkaan.

” Ujeedadu waxay tahay sidii Hay’adaha Dowladda dhexdooda la isugu xiri lahaa xagga Xogta iyo Akhbaaraadka ka dibna Hay’adaha Dowladda iyo dadweynaha sidii la isugu xiri lahaa oo leysku gaarsiin lahaa,waad ogtihiin maanta akhbaarta ama xogtu waxay tahay qeyb muhiim ah oo ka mid ah nolosha noolaha ee bini-aadamka maanta jira, si ay Bulshada ula socdaan xogta Dowladdooda, ayaa fikradaan loo abuuray ma ahan wax wadankeena keliya ku eg, waa barnaamij caalami ah oo aduunka oo dhan ka jira,” ayuu yiri Agaasimaha Guud ee Wasaaradda Warfaafinta Xukuumadda Soomaaliya.