Howlgal qorsheysan oo ay fuliyeen Ciidanka kumaandooska DANAB ayay ku dileen mid kamid ah horjoogeyaasha argagixisada Al-Shabaab u qaabilsanaa dhinaca tababarada, kaas oo lagu magacaabo Ashraf azmi Abu (Hamdan) una dhashay dalka Nepal ee qaaradda Aasiya.
Howlgalkaan ayaa ka dhacay deegaanada Buur-gaduud, Waabo, Salagle iyo Duqay oo hoos yimaado degmadda saakoow ee gobolka Jubbada dhexe.
Taliyaha guutada 16-aad ee kumaandooska danab Gaashaanle Ismaaciil Cabdimaalik Maalin ayaa Idaacadda Codka Ciidamadda Qalabka Sida u sheegay howlgalka inuu ahaa mid qorsheysan, kaasi oo ay fuliyeen ciidamadda sida gaarka ah u tababaran ee Danab, islamarkaana ujeedkiisu uu ahaa beegsiga horjoogeyaasha argagixisada iyo meelaha ay ku dhuumaaleeysanayaan.
Taliyaha ayaa tilmaamay in horjoogaha la dilay ee u dhashay dalka Nepal ay la dhinteen seddex Maleeshiyaad ah oo la joogay goobta uu howlgalka ka dhacay.
Ciidanka xoogga dalka gaar ahaan kumaandooska Danab ayaa kordhiyay howlgalada ay ku bartilmaameydsanayaan horjoogeyaasha iyo maleeshiyaadka argagixsada Al-Shabaab.
