Ciidamada illaalada badda ee dowladda Talyaaniga ayaa badda Mediterranean-ka ka soo bad baadiyeen ku dhawaad 2,000 oo tahriibayaal Soomaali u badan oo ku sii jeeday xeebaha dalka Talyaaaniga, si ay u gaaraan Qaaradda Yurub.
Muhaajiriinta la bad baadiyay ayaa saarnaa doomo ka sameeysan goomayaal la aaryeeyay oo dhex sabeynayay badda Mediterranean-ka, waxaana lagu soo waramayaan in qaar ka mid ah muhaajiriinta la geeyay jaziiradda Malta ee dalka Talyaaniga, si loola tacaalo xaaladooda caafimaad, maaddaama ay heysato dhibaato baniโdanimo oo aad u liidato.
Related posts
Sarkaal u hadlay Ciidamada Ilaalada Xeebaha Talyaaniga ayaa sheegay in markab xamuul ah uu ka qeyb qaatay bad baadinta muhaajiriinta, waxa uu sheegay in cimilada badda Mediterranean-ka oo sii fiicnaaneysa ay sahashay in tirada muhaajiriinta ay soo kororto.
Warbaahinta Caalamka ayaa sheegtay in sanadkaan kaliya ku dhawaad 30,000 oo muhaajiriin oo ka yimid dalalka ka hooseeya Saxaraha laga soo bad baadiyay Badda Mediterranean-ka, kuwaas oo la geeyay xero qaxooti ku yaal Talyaaniga
