Iyada oo ay wali teendhada Afisiyooni ee Magaalada Muqdisho ka socota doorashada xubnaha Aqalka Sare ee gobolada Waqooyi, ayaa goordhaw waxaa la doortay kursigii labaad.
Kursiga labaad ee doorashad ayaa waxaa ku tartamay Wasiirka Dastuurka Xukuumadda Soomaliya Saalax Axmed Jaamac iyo Gudoomiyihii hore ee Maxkamadda Sare Ibrahim Iidle Suleymaan, waxana kusoo baxay Saalax Axmed Jaamac.
Wasiirka Dastuurka Soomaliya Saalax Axmed Jaamac oo kursiga Aqalka Sare ku guleystay ayaa waxaa uu helay 29 Cod halka Gudoomiyihii hore ee Maxkamadda Sare Ibrahim Iidle Suleymaan uu helay 12.
Sida uu qorshaha yahay waxaa halkeeda ka sii socon doonta doorashada Kuraasta xigta ee Aqalka Sare ku matali doona gobolada Waqooyi.
