Kutlada haweenka ee Golaha Shacabka BJFS ayaa maagaalada Muqdisho ku qabtay kulan ku saabsanaa ka doodista Qoondada haweenka iyo xaqiijinta 30% iyo kordhinta ka qaybgalka Siyaasadda Soomaaliya. waxaana kulanka ka soo qeyb galay, Wasiir-dowlaha Wasaaradda Haweenka iyo Xuquuqul Insaanka, , Xubnaha Labada Aqal ee Baarlamaanka, ururka Haweenka Qaranka, ururka Haweenka Gobolka Banaadir iyo qeybaha kale ee bulshada rayidka ah.
Shirku wuxuu ujeedadiisu ahayd in la xoojiyo dadaallada wadajirka ah ee lagu doonaayo xaqiijinta qoondada haweenka ee 30% iyo awoodsiinta haweenka dhinaca siyaasadda iyo hoggaanka dhammaan heerarka kala duwan ee hay’adaha dawladda.
Ugu dambeyntii, Kutlada haweenka ee Golaha Shacabka waxay Madaxweynaha, Ra’iisul wasaaraha, Gudoonka iyo xildhibaanada sharafta leh ka codsadeen in haweenka soomaaliyeed ku garab istaagaan sidii ay ku heli lahaaheen xuquuqdooda iyo matalaadooda siyaasadeed.
