Wadahadalaadaan Dib uheshiisiinta ah ee lagu dhexdhexaadinayo Dhinacayada Beela ku dagaalamay Deegaano ka tirsan Gobolka Galgaduud ayaa waxaa Garwadeen ka ah Dawlada Dhexe ee Soomaalia oo uu kumatalayo La taliyaha Madaxweeynaha ee Dhinaca diinta iyadoo Maamulka Galmudug oo doorweeyn kuleh wadahadaladaasi ay uga qaybgaleen Wasiirka Dastuurka iyo wasiiru dawlaha Arrimaha Gudaha iyo dawladaha hoose .
Waxaa lagu Guulaystay in Gogol nabadeed loo Fidiyo waxgarada iyo odayaasha Beelahii ay xiisadu udhaxaysay iyadoo la isku afgartay in wadahadal lagu xaliyo waxyaabaha qilaafaadka dhaliyay si nabad ah islamarkaana la dhaqangaliyo dadaalada Nabadda ee Bulshada labada Dhinac.
Sheekh Abuubakar Bashiir Cabdulaahi La taliyaha Madaxaweeynaha ee dhinaca diinta ayaa sheegay in Deegaan udhaxeeya Caabudwaaq iyo cadaado oo ka Tagaanayd xisad beeleed u dhaxaysa dadka degaanka ay ku guulaysteen inay xaliyaan aydoo Dadaalo lagu dhamaystiraayo nabadaynta Beelahaasi ay ka bilaaben Magaalada Cadaado La taliyaha ayaa intaa ku daray inay kulan uqabteen odayaasha iyo waxgaradka Labada dhina ee Dagaalamay.
Maamulka Galmudug ayaa dadaaladaasi nabadeed door ku lahaa Wasiiru Dawlada Wasaarada arrimaha Gudaha iyo Dawlaha hoose ee Galmudug Cumar maxamad diiriye Guureeye ayaa bogaadiyay Dadaaladii socdaalka Nabadda ee Madaxweeynaha Soomaaliya uu Ku maray Degaanada Maamulkaasi Gaar ahaan Dhagaxdhigga ,mashaariic horumarineed oo hirgalinteeda ay ka socdaan Magaalada hobyo .
Cumar Maxamed Diiriye ayaa intaa ku daray in kulankii Maanta la isku afgartay in Dhamaan Deegaanada Miyiga ah oo ku soo noqnoqdeen xisadaha ka dhasha dhul daaqsin ay odayaasha iyo waxgaradka Deegaanku ku baxaan si xal Nabadeed looga Gaaro oo kama danbays ah waxii ka danbeeyana Gogol nabadeed oo lagu soo afjarayo xisadahaasi loo qabto Golaha Guurtida Deegaanada ay dirirtu ka dhacday ee Caabudwaaq iyo cadaado .
Maxamed Cabdi Colaad oo ah Wasiirka dastuurka iyo dib uheshiisiinta Galmudug ayaa uga Mahaceliyay Madaxweynaha Jamhuuriyadda Soomaaliya doorkiisa ku Aadan Dadaalada Nabada ee bulsho weeynta Galmudug waxana uu sheegay in wafdiga madaxweeynaha uu uxilsaaray Hawlaha Nabadaynta ay ku guulaysteen in la dardargaliyo Qorshaha Nabadaynta Gobolka galgaduud waxaa uu intaa Ku daray in odayaasha iyo waxgaradka Beelahii ay isku afgarteen in loo Hiiliyo Nabadda bulshada .
