Ciidamada Booliska ee magaalada Cadaado oo duleedka Magaalada ka sameeyeen howl-gallo kala duwan, ayaa gacanta ku soo dhigay Gaari iyo dadkii waday oo ay sheegeen iney soo jareen dhir farabadan.
Howl-galadan ay sameeyeen ciidamada ayaa yimid kadib markii Jarista Dhirta ay warqad ka soo saartay Wasaaradda Bay’ada Galmudug, taasi oo ku amartay ciidamada ammaanka Galmudug inay qabtan cidkasta oo ku howlan xaalufinta dhirta degaannada Galmudug.
Ciidamada Boosliska Degmada Cadaado, ayaa beryahii la soo dhaafay waday howlgal ammaanka Degmada Cadaado iyo degaannada hoosyimaada lagu xaqijinayo, xili Ciidamada Dowladda Soomaaliya ay degaannada Galmudug ka wadaan howl-gallo ka dhan ah maleeshiyaadka Khawaarijta Al –Shabaab.
