Shilkani ka dhacay Dekedda magaalada Berbera ayaa yimiod kadib markii xalay ay isku dheceen labo markab oo halkaasi ku xirnaa, masโuuliyiinta Soomaaliland ayaa sheegay in mid kamid ah labadaasi markab uu waxyeelo aan badneyn gaartay, markii oo dhinac ka dolooshmay.
Horumar ballaaran ayaa ka soconaya dekedda magaalada Berber ee Soomaaliland, kadib markii uu sii kordhay dhaq dhaqaaqa dhanka ganacsiga ah.
Sanadkan gudihiisa ayaa waxaa la filayaa in 1 milyen oo neef oo ari ah loo dhoofiyo qaar kamid ah wadamada Khaliijka iyo Boqortooyada Sucuudiga, maadaama la joogo waqtigii Xajka.
Axmed Xaaji C/llaahi oo kamid ah masโuuliyiinta wasaaradda xanaanada xoolaha ee maamulka Soomaaliland ayaa sheegay in sanadkan 1 milyen oo neef oo ari ah dibadda loo dhoofinayo.
โDekedda Berbera waxaa ka soconaya dhoofinta xoolaha ee sanadkan, 1milyen oo neef oo ari lab ah ayaa loo iibgeynayaa dibadda, midka dediga ah kuma jiro,wadamada Sucuudiga,Cumaan, Yeman iyo wadamo kale ayaa loo iibgeynayaa, hadda in kabadan 700 oo kun ayaa la dhoofiyayโ, Sidaasina waxaa yiri Axmed Xaaji C/llaahi.
Magaalada Berbera ayaa waxaa kuyaala sedex Maxjar oo loogu talagalay in lagu ogaado caafimaadka xoolaha, ayadoo masโuuiyiinta Soomaaliland ay sheegeen in caafimaadka xoolaha halkaasi laga dhoofiyo uu caafimaadkoodi si aad ah loo hubiyo.
SONNA
