Xaflada loo sameeyay furitaanka mashruuca layrka ku shaqeeya ilayska Cad-ceeda ayaa lagu qabtay degmada Caabudwaaq ee waqooyiga gobalka Galgaduud waxaana ka soo qayb galeen mas’uuliyiin katirsan maamulka degmada Caabudwaaq iyo Wasiir ku xigeenka Biyaha iyo Korontada ee maamulka Galmudug, qaybaha kala duwan ee bulshada waxaana mashruucan
uu yahay mid dalka ka socday in mudaa.
Tirada baalayaasha soolarka oo 50 xabo ah ayaa labadii xababa waxaa ay isku jiraan 40 mitir iyadoona dhirirka wadooyinkana ay tahay labo kiilo mitir.
Gudoomiyaha degmada Caabudwaaq Mahad Cumar oo ugu horayn u mahadceshay dowlada Norway oo mashruucaan fulinaysa ayaa ka warbixiyay wadooyinka laga hirgaliyay nalalkaan ku shaqeeya ilayska Cad-Ceeda.
Qaar kamid ah odoyaasha dhaqanka iyo ururada haweenka ayaa si is kumid ah u soo dhaweeyay nalalkaan ku shaqeeya ilayska Cad-ceeda ee laga hirgaliyay Caabudwaaq.
Ugu dambayntii ayaa waxaa goobta ka hadlay Wasiir kuxigeenka Biyaha iyo Korontada ee maamulka Galmudug Mowliid Yaasiin Bare.
Waa markii ugu horeysay oo mashruuc noo caan oo kale ah laga hirgaliyo jidadka halbowlaha u ah magaalada Caabudwaaq iyadoona mas’uuliyiinta howshaan wada ay sheegeen in 50 xabo ee nalalka
ku shaqayna ilayska Cad-ceeda ay tijaabo yihiin rajana ay ka qabaan in intaan ka sii badiyaan.
C/kariin Axmed Bulxan.
Caabudwaaq
