Kooxda Lazio ayaa garoonkeeda Olimpico Stadium 3-1 uga badisay kooxda AC Milan.
Kooxda Milan ayaa goolka la hor martay,waxaana daqiiqadii afaraad ee ciyaarta u dhaliyay ciyaaryahan Jeremy Menez,sidasi ayaana lagu kala nastay qeybtii hore ee ciyaarta.
Markii la isku laabtay qeybtii labaad ee ciyaarta ayaa waxaa labo gool oo deg deg ah u kala dhaliyay kooxda Lazio ciyaaryahanada kala ah Marco Parolo iyo Miroslav Klose.
Ciyaaryahan Marco Parolo ayaa dhamaadki ciyaarta goolka sedaxaad u dhaliyay kooxda Lazio,waxana uu ahaa goolkiisii labaad ee ciyaarta.
Garsoorihii ciyaarta Paolo Silvio Mazzoleni ayaa dhamaadkii ciyaarta kaarka casaanka ah siiyay ciyaaryahan Phillippe Mexes oo daafaca uga ciyaara kooxda AC Milan.
Kooxda AC Milan oo uu hogaamiyo macalin Filippo Inzaghi ayaa waxa isku daba galay guul darroyin xiriir ah.
Kooxda Lazio ayaa kala horeynta horyaalka Talyaaniga ee Serie A-da ka soo gashay kaalinta sedaxaad,waxana ay leedahay 34-dhibcood,halka kooxda AC Milan ay horyaalka uga jirto kaalinta sagaalaad,iyadoo leh 26-dhibcood.
