Kooxda Liverpool oo ka ciyaarta Premier League-ga ayaa u soo baxday wareega shanaad ee koobka FA Cup-ka,ka dib markii ay 2-1 uga badisay kooxda Bolton Wanderers oo lagu ciyaarayay garoonkeeda Reebok Stadium.
Ciyaaryahan Steven Gerrard ayaa caawo kulankiisii 700-aad u saftay kooxda Liverpool,waxana uu soo gashtay kabo uu ku qoranyahay nambarka 700-aad.
Labadan kooxood ayaa kulankii hore barbardhac 0-0 ah ku soo galay garoonka kooxda Liverpool ee Anfield.
Ciyaaryahan Eidur Gudjohnsen ayaa daqiiqadii 59-aad ee ciyaarta gool rigoore ahaa u dhaliyay kooxda Bolton.
Kooxda Bolton ayaa ciyaarta ku dhameysatay toban ciyaaryahan,ka dib markii garsoorihii ciyaarta uu kaarka casaanka ah siiyay ciyaaryahan Neil Danns.
Ciyaaryahan Raheem Sterling ayaa daqiiqadii 85-aad ee ciyaarta goolka barbardhaca u dhaliyay kooxda Liverpool.
Ciyaaryahan Philippe Coutinho ayaa waqtigii dheeriga ahaa ee ciyaata goolka labaad ee guusha u dhaliyay kooxda Liverpool.
Kooxda Liverpool ayaa wareega shanaad ee koobka FA Cup-ka la ciyaari doonto kooxda Crystal Palace.
