Ibrahim Traore, oo ah kabtan ka tirsan ciidamada Burkina Faso, ayaa Jimcihii shalay ku dhawaaqayin uu xilka ka tuuray hoggaamiyihii Burkina Faso, Paul-Henri Sandaogo Damiba.
Waa afganbigii lixaad oo ayCiidamada militariga ay ka sameyaan Galbeedka iyo Bartamaha Afrika, muddo laba sano gudahood ah.
Related posts
Ciidamada milatariga Burkina Faso, ayaa xilka ka tuuray madaxweyne Roc Kabore bishii Janaayo ee la soo dhaafay, iyagoo ku eedeeyay inuu ku guuldareystay inuu xakameeyo rabshadaha kooxaha xagjirka ah.
Hogaamiyihii afgambiga sameeyay, Gaashaanle Dhexe Paul Henry Damiba, ayaa ballan qaaday inuu soo celin doono ammaanka, balse weerarrada ayaa sii kordhay, taasoo keentay in markale uu dalkaasi ka dhaco afganbi milatari.
Qaar ka mid ah Saraakiisha millatariga Mali oo uu hoggaaminayo Asimi Gueta, ayaa xilka ka tuuray madaxweyne Ibrahim Boubacar KeΓ―ta, bishii Ogosto 2020.
Inqilaabkan ayaa daba socday mudaaharaadyo dawladda lagaga soo horjeeda oo ka dhashay xaaladda ammaan ee sii xumaanaysa, doorashooyinka sharci dejinta oo lagu muramay iyo eedaymo dhanka musuqmaasuqa ah.
Kadib Cadaadis uga yimid dalalka dariska la ah, ayaay ciidamada milatariga isku raaceen in ay xukunka ku wareejiyaan dowlad ku meel gaar ah, si ay doorasho dimoqraadi ah dalkaasi ugu qabtaan 18 bilood.
Ciidamada Chad, ayaa Xukunka la wareegay bishii Abriil 2021, ka dib markii madaxweyne Idriss Deby la dilay xilli uu booqanayay gooba ay ciidamada kula dagaallamayeen mucaaradka.
Sida uu dhigayo sharciga Chad, afhayeenka baarlamaanka ayaa noqonaya sii hayaha madaxweynaha, laakiin golaha militariga ayaa soo farageliyay oo kala diray baarlamaanka, General Mohamed Idriss Deby, ayaa loo magacaabay madaxweyne ku meel gaar ah, kaas oo loo xilsaaray inuu 18 bilood xukunka u sii haayo si ku meel gaar ah.
Taliyaha ciidamada gaarka ah ee Guinea, Colonel Mamadi Domboya, ayaa xilka ka tuuray madaxweyne Alpha Conde bishii Sebtembar 2021, kaasi oo bedelay dastuurka dalkaasi si uu mar saddexaad ugu tartamo doorashada, taasoo dhalisay rabshado baahsan.
Waxana madaxweyne ku meel gaar ah dalka ka noqday Domboya, kaasi oo balan qaaday in doorashooyin dimoqraadi ah uu ku qaban doono Sedax sano gudahood.
