Guddoomiyaha Gobolka Waqooyi Bari ee dalka Kenya, Nicholas Ndalana ayaa xaqiijiyay in ciidanka sida gaarka u tababaran ee dalka Kenya ay u suuragashay in ay dilaan lix ka tirsan maleeshiyaadka Al-Shabaab, midna ay ku qabtaan nolosha.
“Ciidamadda gaarka ah waxaa u suuragashay in ay nolosha ku qabtaan qof ka mid ah kooxda Al-Shabaab ah oo dhaawacan. Hadda waa la daweynayaa, waxaana rajeynayaa in uu gacan inaga siin doono baaritaanadaββ ayuu yiri Mr Ndalana.
Related posts
Waxuu intaasi ku daray in dagaalka lagu dilay xubnaha Al-Shabaab, laguna qabtay midka nool in uu dhacay waaberiga maanta ee Jimcaha ah.
“Waxaan tuhunsanahay in mid kale oo dhaawac uu baxsaday, waana soo qaban doonaa ,” ayuu yiri guddoomiyaha gobolka Garrisa.
Guddoomiyaha ayaa sheegay in halka dagaalka uu ka dhacay ay tahay meel shacabka dhibaato lagu gaarsiin jiray iyada oo iminka booliska ku hayaan roondo joogta ah.
Dhacdadan ayaa timid maalin un kaddib, markii labo ruux lagu dilay halka mid kalana la sheegayo in la laβyahay ka dib markii argagixisada Al-Shabab weerar ka geysatay magaaladda Mandera.
Madax booliska Mandera Jeremiah Kosiom ayaa xaqiijiyay in argagixisada Al-Shabaab weerar gaadma ah ku qaadeen gawaari mareysa aaga Jabibar ee wadada isku xiriirisaΒ Rhamu-Elwak.
Labadii bilood ee ugu dambeysay dad aan waxba galabsan oo gaaraya 20 qof ayaa ku geeriyootay, weerarada maleeshiyada Al-Shabaab ka geysteen gobollada Kenya ee u dhow xadka Soomaaliya.
Inta u dhaxeysa bilaha Janaayo iyo Febraayo, lix iyo toban weeraro ayaa lagu qaaday gobolladaΒ Garissa, Mandera, Wajeer iyo Lamu.
