Munaasabadaan oo soo qaban qaabisay wasaarada caafimaadka xukuumada Soomaaliya ayaa waxaa lagu qabtay Hotelka SYL ee magaalada Muqdisho waxaana ujeedkeedu ahaa in lagu xuso maalinta caalamiga ah ee dhiig bixinta ama dhiig ku deeqida aduunka wasiiro ka tirsan xukuumada Soomaaliya ayaana dhiig shubista ka qayb qaatay.
Wasiirada ka qayb galay munaasabada waxaa ka mid ahaa wasiirka caafimaadka marwo Xaawa Xasan Maxamed ,Wasiirka dhalinyarada iyo ciyaaraha mudane Maxamed Cabdulaahi Xasan Nuux iyo wasiir ku xigeenka wasaarada caafimaadka mudane Cusmaan Maxamed Cabdi “Daalo” sidoo kale bahda caafimaadka ayaa iyana ka soo qayb galay xuska maalintaan.
Wasiirka wasaarada caafimaadka Soomaaliya marwo Xaawa Xasan Maxamed oo hadal kooban ka jeedisay munaasabadaas ayaa waxaa ay ka hadashay muhiimada ay leedahay in dhiiga la bixiyo oo dadku ay ka wada qayb qaataan .
“Qiimaha ay leedahay in dhiig la bixiyo waxaad ka soo qaadaa waalidkaaga walaalahaaga adiga in aad u baahan doontid markaad wax siineyso waa wax adiga kuu imaanaya hadaadan bixina qofka kalena ma bixinayo wadanka aan ka imid aniga waqt badan aan ku noolaa ee Ingiriiska dadku waxay dhiiga u bixiyaan kow in ay dadka u gar gaaraan tan labaadna in ay helaan test dhiigga marka lagaa qaadayo naftaadaa u baahan kalyahaagaa la baarayaa wadnahaagaa la baarayaa ,lacag badan ayaa kaaga bixi lahayd hadaad adiga iska bixineyso maadaama lacag aan lagaa rabin dhiigiina lagaa baarayo adiina qof aad siineyso aniga hadda waa markii sideedaad oo dhiig la iga qaadayo hadda saakaan soo bixiyay “.ayay tiri wasiirka
Wadankeena Soomaaliya kama jiraan bankiyo lagu keydiyo dhiigga waxaana dhakhaatiirtu ay sheegayaan in muhiimad weyn oo loo baahan yahay arintaasi.
W/D: Axmed Cali Kaahiye
