Munaasabadani oo aheyd mid lagu xisayay maalinta Qaaxada Aduunka 24 Maarso ayaa lagu qabtay Xabsiga dhaxe Ee Xamar,Waxaana ka qeybgalay mas’uulaayiin ka socday Wasaaradda Caafimaadka, Taliyaha Xabsiga dhaxe Xamar, Taliye ku Xigeenka Ciidanaka Asluubta Soomaaliyeed,Howladeedno Caafimaad iyo Maxaabiis Qaba Cudurkaasi oo laga daweenayo Cudurka TBDA.
Madasha waxaa ugu horeyn ka hadlay Dr Maxamed Sayeed oo ka socday wasaaradda caafimaadka dowoladda Soomaaliya ayaa sheegay in maanta ay Wasaaradda caafimaadka go’aansatay in ay la dabaaldegto maalintan caalimiga ah dadka qabo cudurkaasi isla markaana wacyigelin loo sameeyo dadka la nool xanuunka Qaaxadda.
Taliyaha Xabsiga Dhaxe Ee Xamar Gashaale sare Maxamed Sheekh Cumar ayaa ugu hambeyeyay Wasaaradda Caafimaadka iyo Howlwadeenadda Caafimaad maalintani caalamiga ah sida wanaagsan oo ay u soo qaban qaabiyeen.
Sidoo kale Munaasabad taa lamid ah oo lagu xusayay maalinta caalamiga ah ee Qaaxada Aduunka ayaa maanta lagu qabtay magaalada Kismaayo ee xarunta gobolka Jubada Hoose waxaana ka qeybgalay mas’uuliyiin ka tirsan maamulka Jubaland.
Sawir Qaade: Qadar Cali Nuur
