Madaxweyne ku-xigenka Dowladda Gobalada Galmudug Maxamad Xaashi Carabey iyo wafdi uu hogaaminayo oo malmahan socdaal Nabaded ku maraya deeganno ka tirsan Gobolka Galgaduud ayaa saacadihi la soo dhaafay kulamo la qaatay odayasha iyo waxgardka Degmada Cabudwaaq kuwaa oo uu kala hadlay sidii xal warar loga gari lahaa dagaalada u dhaxeya dadka reer miyiga ah ee ku nool tuuloyinka hoostaga Degmadaasi.
Labada dhinac ayaa waxa ay isku af garteen in la joojiyo xiisadda dagaal ee ka tagan Degmada Caabudwaaq isla markaana wax walba lagu dhameeyo wadahadal, Madaxweyne ku-xigenka oo la hadlay Wakaaladda Wararka Qaranka Soomaaliyeed ee SONNA ayaa sheegay in odayasha ay la kulmeyn ay isku fahmeyn in la joojiyo colaadda ka tagan deegaankaasi isla markaana wax walbo wadad hadal lagu dhameeyo, waxa una intaa kusii daray in hadda kaddib aan loo dulqadan doonin ciddii jabisana xabad joojinta uu mamulka tilaaba ka qaadi doono.
Related posts
“Waxaan odayaasha isku afgaranay in la joojiyo dagaalka islamarkaana ciidamo ka socdo nabad sugidda iyo booliska Galmudug la geeyo deegaanka ay dirirtu ka dhacday, waxan kaloo qorsheyneynaa in dhawaan aan qabano shir dib-u-heshiisiineed oo xal waara looga gaarayo dhinacyada ku dagaallamay Degmada Caabudwaaq.” ayuu yiri Madaxweyne ku-xigeenka Galmudug
Inta badan deegannada hoos taga Degmada Caabudwaaq waxaa ka dhaco dagaal u dhaxeeyo dadka xoola dhaqatada ee ku nool deeganada kuwaas oo ka dhasha qasaaro isugu jiro dhimasho iyo dhaawac.
